Flora dan Fauna di Mandailing Natal

Taman Nasional Batang Gadis

Taman Nasional Batang Gadis
IUCN Category II (Taman Nasional)
Sorikmarapi, pucuk paling dhuwur ing taman nasional Batang Gadis
Location in Sumatra
Lokasi	Sumatra, Indonesia
Kutha paling cedhak	Panyabungan
Koordinat	0°43′N 99°30′EKoordinat: 0°43′N 99°30′E{{#coordinates:}}: ora bisa luwih saka siji tag utama per kaca
Jembar	1,080 km²
Madeg	2004
Badan sing nglola	Ministry of Forestry

Taman Nasional Batang Gadis iku salah siji taman nasional kang ana ing Kabupatèn Mandailing Natal, Sumatra Lor, Indonésia.^[1] Taman nasional iki didekake miturut usul saka warga masyarakat Kabupatèn Mandailing Natal.^[1] Taman Nasional Batang Gadis miturut administratine ana ing Kabupatèn Mandailing Natal (Madina) Provinsi Sumatera Lor kang ing jerone ana 13 kecamatan lan 68 desa.^[1] Miturut geografis papan iki mapan ing antarane 99° 12' 45" nganti 99° 47' 10" BT lan 0° 27' 15" nganti 1° Or 57" LU. Jeneng taman nasional iki dijupuk saka jeneng kali gedhe kang ngliwati Kabupatèn Madina, ya iku kali BatangGadis.^[1] Ambane taman nasional iki kurang luwih ana 108.000 hektar utawa 26% saka ambane Kabupatèn Madina lan mapan ing panggonan kang dhuwure 300 nganti 2.145 meter ing sadhuwure segara kanthi pucuk paling dhuwur ing gunung Sorik Merapi.^[1]

Flora lan Fauna

Ing taman nasional iki ana werna-werna kewan kang ditemokake lan dijaga, tuladhane:

1. harimau Sumatra (Panthera tigris sumatrae)
2. wedhus alas (Naemorhedus sumatrensis)
3. tapir (Tapirus indicus)
4. kucing alas (Catopuma temminckii)
5. kancil (Tragulus javanicus)
6. binturong (Arctitis binturong)
7. beruwang madu (Helarctos malayanus)
8. rusa (Cervus unicolor)
9. kidang (Muntiacus muntjac)
10. landhak (Hystix brachyura)

Saliyane iku uga ditemokake kewan ampibi kang ora duwé sikil (Ichtyopis glutinosa), kang arupa kewan purba lan kodhok nduwé sungu telu (Megophyris nasuta) kang wis langka lan dadi endemik ing Sumatra.
Ing taman nasional iki uga ditemokake akeh werna-werna tanduran. Miturut paneliten, ing saben 200 meter pesagi ana 242 tanduran kang nduwèni pembuluh (vascular plant) utawa 1% saka flora kang ana ing Indonesia (kurang luwih 25.000 werna tanduran berpembuluh kang ana ing Indonesia). Saliyane iku uga ditemokake kembang kang langka, ya iku kembang Padma (Rafflesia sp.).^[2]